Балғабайұлы Жақыпбек

Балғабайұлы Жақыпбек (1894, қазіргі Қарағанды обл., Қарқаралы ауд., — 16. 3. 1917) — әнші. Жасынан ән айтып, күй шерткен. Қоянды жәрмеңкесінде Жарылғапберді, Ғ.Айтбаев, Қ.Байжанов, Майра сынды әншілермен кездесіп, өнер сайысына түскен. Балғабаев нәзік дауысты лирик әнші болған. Оның орындауында "Ардақ", "Ғалия", "Үш дос", "Келіншек", "Жалғыз арша" т. б. халық әндері терең көркемдік сазын, әсерлі музыкалық мазмұнын тапқан.