ӘБДИ РЫСБЕКҰЛЫ

ӘБДИ РЫСБЕКҰЛЫ (1880-1931 жж. ), белгілі күйші. Шет ауданың түлегі. Арғынның Қаракесек руынан. Қыздарбектің күйшілік мектебінен өткен. Әбди шебер домбырашылығымен бірге тамаша күйшілігімен де танылған. Күйшінің үш косбасары бар. Екеуі — «Қарғыс қосбасар», «Зар қосбасары» белгілі. Үшінші косбасары бертінге жетпеген. Әбди 1931 ж. 51 жасында «қызыл белсенділердің» жаласымен атылған.