АРҚАЛЫҚ БАТЫР

АРҚАЛЫҚ БАТЫР, 18 ғасырдын аяғы мен 19 ғасырдың басында Абақкерей тайпасынан шыққан батыр. Туып-өскен жері — Шығыс Түркістан өлкесінің Алтай аймағы. Қалмақ ханы Еженнің шабуылдары мен Абақкерей елін билеп-төстеген Әжі төренің зорлық-зомбылығына қарсы халық бұқарасының көтерілісін бастаған. Бұл күресте оған Қарамерген, Қоңқа сияқты қалмақ батырлары косылған. Батыр есімі халық аузында аңыз-әңгіме, ертегі-жырға айналган. Арқалық батыр туралы халық эпосы бар. Ж. Шанин «Арқалық батыр» атты пьеса жазған.