ҮМБЕТОВ ҚАЙРАТ

ҮМБЕТОВ ҚАЙРАТ - Полковник , ҚР ұлттық гвардиясының «Орталық» аймақтық қолбасшылығының 6505 әскери бөлімі командирінің бірінші орынбасары

Қоғам

10494 дауыс

2016 жылдың 7-ші сәуірінде Қарағанды облысының Қарабас кентіндегі  оқу-жаттығу орталығында жедел қызметтің жеке құрамымен бірге граната лақтыру барысында  6505 әскери бөлімінің бастығы Қайрат Үмбетов өз өмірін қатерге тіге отырып, жас жауынгерді өз денесімен қалқалап жапты және оны өлімнен құтқарды.

Жарылыс салдарынан офицер жарқыншақ тиіп жарақатты, қатардағы жауынгер А.Сұлтанқұлов бірнеше болмашы жарақат алды. Полковниктің өзі болса, бұл әрекетін ерлікке бағаламайды.

Қайрат Үмбетов жауынгермен таныс болмаған.  Жасақта 3 мыңға жуық адам бар, олардың барлығын тану мүмкін емес.  Соған қарамастан өз өмірін қатерге тіге отырып, көмекке келген. Қайрат Үмбетов 38 жыл ғұмырының 21 жылын Отанға қызмет етуге арнаған. Осы уақытқа дейін оның тәжірибесінде бұндай жағдай болмаған.

Полковник өмірін құтқарған жиырма жаар жауынгер Абзал Сұлтанқұлов әскерге 2015 жылы шақырылған. Ол гранатаны лақтырғанда, тапсырманы дұрыс орындауға тырысқанын, бірақ сол мезетте қатты қобалжығанын айтты. Кейінірек, жауынгер жауынгерлік жаттығуларды орындау кезінде гранатаны жеткіліксіз күшпен лақтырғаны анықталды.

Интернет ресурстардың тізімі:

Қайрат Үмбетов  [Электрондық ресурс] // 100 жаңа есім. – Дереккөз: https://100janaesim.ruh.kz/participants/2017/kajrat-umbetov.html. – (Қаралған күні 21.01.2021)

Қайрат Үмбетов  [Электрондық ресурс] // Zharar. – Дереккөз: https://www.zharar.com/kz/biography/32625-jana_100_esim.html. – (Қаралған күні 21.01.2021)