ЕРУБАЕВ САТТАР

ЕРУБАЕВ САТТАР (1914-1937), жазушы. Ленинград философия, лингвистика және тарих институтын бітірген (1933). 1934-35 ж. қалалық «Қарағанды пролетариаты» (қазіргі облысы «Орталық Қазақстан», газеті) редакторының орынбасары. Қарағанды жұмысшы табының қалыптасуы жайындағы «Үш шахтер туралы баллада», «Меруерт алқа» балладалардың, «Бақыт», «Өмір көркемдігі» новеллалардың авторы. «Менің кұрдастарым» романында (1939 ж. жарияланған, 1957 ж. орыс тіліне аударылған) Қазақстанның көмір орталығы Қарағандыны кұрушы жастардың тұрмысы мен еңбегін суреттейді. Қарағандының бір көшесіне Ерубаевтің есімі берілген.